MPH MANN vídeo de Abelardo Rendo.
Película documental sobre a carreira máis antiga, rápida, famosa e perigosa do mundo do motociclismo: o TT da Isla de Man. Neste documental síguese ao piloto español Antonio Maeso na súa participación no TT 2010. Faise un repaso á historia da carreira. Indágase no porqué de que cada ano os pilotos se xoguen a vida nesta mítica proba de motociclismo.
Hoxe fixemos o Ricardo e eu outra saída: subida ao pico de Lampai da Grela (Beitureira), baixada ata o Faramello e volta para Luou, onde nos agardaban o callos quentiños.
Saímos as 11 e o tempo estaba fresco de máis. Arrancamos con rumbo á Grela para subir e ir quentando o corpo. Ao chegar á cima, como sempre, a vistas espectaculares. Nesta ocasión porque aos pés estaba todo cuberto de néboa e parecía un mar blanco. Hoxe non se vía a entrada da Ría de Arousa, solo un manto blanco.
Depois baixamos por xunto ao campo de fútbol de Lampai e fomos bordeando todo o monte ata chegar ao Faramello. Foron quilómetros de baixadas espectaculares, desde camiños con moita pedra onde sempre iamos saltando ata outros onde se mesturaban as follas do outono coa auga dos camiños.
Cando chegamos á carretera de Padrón xa pasaba das 12 polo que collemos xa unha ruta de regreso o máis rápida posible. Subimos por Francos e dirixímonos a Cornide. De aí xa directos a tomar a tapiña de callos.
Xa nos tarda a seguinte ;-)
A continuación listo aqueles complementos que me parecen moi útiles para usar co xestor de correo Thunderbird.
Cando optemos datos dunha base de datos en MySQL con referencia a datas normalmente imos a atopalas en formato stamp, é dicir, en segundos transcurridos desde unha determinada data inicial.
Para convertir estes datos optidos a unha data que poidamos entender teremos que realizar a seguinte operación:
=(celda/24/60/60)+FECHA(1970;1;1)+1/24
Donde "celda" será a celda inicial onde temos o dato optido do MySQL. Ao final temos que sumarlle unha hora (+1/24) para axustalo á nosa franxa horaria: GTM +1
Xúntase folla de cálculo con exemplo.
Quedamos as 11:00 da mañá para saír desde a Igrexa de Luou Pablo, Nanín, Ricardo e eu. Tamén se uniron ao grupo Fernando, Raúl e Salva.
A intención era de facer unha ruta non moi longa nin dura, algo suave para ir collendo ritmo. Así que empezamos a subir polo monte de Tresellas por xunto ao cemiterio abandonado de Luou.
Ao pouco xa nos atopamos cos primeiros todoterrenos dos cazadores que debían de estar de batida, aínda que nesta ocasión víronse bastantes menos que noutros días. Na primeira baixada, despois de Loureiro, incluso adiantamos ao todoterreno que non era capaz de seguirnos o ritmo. No cruce collemos camiño cara Lampai e subimos cara o campo de fútbol. O día estaba perfecto e permitíanos unha espléndida vista da ría de Arousa con discusións de si o que se vía era Sálvora, a Illa de Arousa, ou incluso Florida (EE.UU.)
Empezamos o descenso de regreso bordeando o pico de Beitureira de Lampai e foi nesta baixada onde Ricardo tivo a primeira caída. Quitando unha pequena rascadura preto do ollo non tivo maiores problemas, pero a bicicleta non saíu tan ben parada: o cambio dos piñóns torceuse un pouco o que lle dificultou o regreso.
Pouco a pouco chegamos a estrada de Luou-Lampai e xa no descenso Fernando, Salva e eu adiantámonos para coller velocidades de 60 Km/h. Ao chegar a Luou miramos cara atrás pero non vimos ao resto do grupo. Pensamos que igual seguiran recto no cruce de Regoufe, así que tiramos para a Igrexa. Foi aí cando chamamos a Raúl para ver onde andaban e xa nos comentou que Ricardo no descenso acabara de romper o cambio así que o estaba acompañando á casa.
Máis tarde, xa cando cada que se ía para a súa casa, chegou Pablo e foi cando que decatei que Ricardo non só acabara de romper o cambio senón que na baixada o cambio que xa viña torcido se lle meteu nos radios da roda traseira provocándolle unha nova caída en pleno descenso por asfalto. Buff!!! Hai días negros.
Finalmente só foron sustos e anéctodas para contar.
Hoxe tocou pelexar co Drupal.
Onte a noite quixen mellorar o aspecto e o comportamento deste espazo, e fora mellor que quedase quieto :-(
Ben pensado, seguro que todo volverá a funcionar correctamente, pero da choio... e póñenseme todo tipo de caras, como as que se poden ver nesta entrada ;-)
Seguimos... a ver si incluso volvo a deixar montado o Moodle.
Con motivo da chegada ás aulas dalgúns centros educativos do Kit de Aula Dixital estiven facendo algunhas probas no CEIP A Igrexa-Calo, xa que Mari, profe de 5º A, está de estreo cun destes Kits.
A idea inicial era a de instalar Debian squeeze (6.0.2.1) no equipo portátil, xa que esta distro é tamén a que se emprega na Fase II do proxecto Abalar (curso 2011-2012).
Para a miña sorpresa, unha vez instalado o sistema operativo e instalado tamén o software de Smart Notebook 10, o rato non se movía no encerado. Todo indicaba que as conexións estaban ben efectuadas, xa que a luz verde estaba encendida, desde o menú de diagnóstico o encerado estaba OK... pero o rato non ía.
Tamén me atopei con outro problema xa que a WIFI do equipo, un Acer TravelMate 6593, tampouco estaba operativa. É moi probable que se teña que actualizar algún driver, e aínda que esta tarde estiven na casa buscando información pola rede, non atopei forma de solucionalo.
Así que, ante o intento desafortunado, optei por tirar por outro entorno máis coñecido para min. Instalei openSUSE 11.4 con Gnome. Unha vez instalado o sistema, e actualizado, o que aconteceu foi que o tema WIFI quedou solucionado, pero o que non puiden foi instalar o software da SMART. Incluso probei coa versión anterior do Notebook 9, pero nada, Chega un momento en que a instalación se detén e non tira.
Despois dete novo fracaso, volvín a intentalo con openSUSE, pero esta vez coa última versión: 12.1. O problema agora veu pola versión do Kernel xa que o software de SMART está preparado para a versión 2.6.x, pero openSUSE 12.1 monta xa o kernel 3.1.0-1.2, polo que tiven que renunciar tamén a realizar unha instalación en openSUSE.
E xa que nin Debian nin openSUSE, pasei a realizar a instalación en Edubuntu, versión LTS 10.04.
